நீங்கள் தேடியது "குடியரசு தினம்"

சென்னை:

குடியரசு தினத்தையொட்டி, தமிழக காவல்துறையில் தகைசால் பணி மற்றும் பாராட்டத்தக்க பணிக்காக 23 பேருக்கு ஜனாதிபதி விருது வழங்கப்படுகிறது. இதுபற்றிய அறிவிப்பை மத்திய அரசு நேற்று வெளியிட்டது. அதன்விவரம் வருமாறு:-

தகைசால் பணிக்காக திருச்சி சிறப்பு புலனாய்வு பிரிவு துணை போலீஸ் சூப்பிரண்டு பி.கோவிந்தசாமியும், ஈரோடு சிறப்பு அதிரடிப்படை போலீஸ் இன்ஸ்பெக்டர் இ.சொரிமுத்துவும் ஜனாதிபதி விருது பெறுகிறார்கள்.

பாராட்டத்தக்க பணிக்காக 21 பேர் ஜனாதிபதி விருது பெறுகிறார்கள். அவர்கள் விவரம் வருமாறு:-

1. மகேஸ்வரி - தென்சென்னை இணை போலீஸ் கமிஷனர்

2. காமினி - ராமநாதபுரம் சரக டி.ஐ.ஜி.

3. சாந்தி - போலீஸ் சூப்பிரண்டு, தமிழ்நாடு போலீஸ் அகாடமி, சென்னை

4. அசோக்குமார் - கூடுதல் போலீஸ் சூப்பிரண்டு, தமிழ்நாடு சீருடை பணியாளர் தேர்வு ஆணையம், சென்னை

5. ராஜேந்திரன் - கூடுதல் போலீஸ் சூப்பிரண்டு, சிறப்புப்பிரிவு குற்றப்புலனாய்வுத்துறை சென்னை

6. கேசவன் - துணை போலீஸ் சூப்பிரண்டு பாதுகாப்புப்பிரிவு குற்றப்புலனாய்வுத்துறை, சென்னை

கனகராஜ் ஜோசப்

7. தேவராஜ் - சென்னை பல்லாவரம் உதவி போலீஸ்

கமிஷனர்

8. வெற்றிச்செழியன் - போலீஸ் உதவி கமிஷனர், திருவல்லிக்கேணி, சென்னை

9. கனகராஜ் ஜோசப் - சென்னை மத்திய குற்றப்பிரிவு உதவி கமிஷனர்

10. சங்கர் - துணை போலீஸ் சூப்பிரண்டு, லஞ்ச ஒழிப்புத்துறை, சென்னை

11. ஆறுமுகம் - உதவி தளவாய், தமிழ்நாடு சிறப்பு காவல்படை, 3-ம் அணி, ஆவடி

12. சங்கரசுப்பிரமணியன் - இன்ஸ்பெக்டர், சென்னை லஞ்ச ஒழிப்புத்துறை

13. ஜான் விக்டர் - போலீஸ் இன்ஸ்பெக்டர், மதுவிலக்கு அமலாக்கப்பிரிவு, பொன்னேரி

14. கணேசன் - போலீஸ் இன்ஸ்பெக்டர், லஞ்ச ஒழிப்புப்பிரிவு, காஞ்சீபுரம்

சப்-இன்ஸ்பெக்டர்கள்

15. ஜனார்த்தனன் - போலீஸ் சப்-இன்ஸ்பெக்டர் சிறப்புப்பிரிவு, குற்றப்புலனாய்வுத்துறை, சென்னை

16. உலகநாதன் - சிறப்பு போலீஸ் சப்-இன்ஸ்பெக்டர், பாதுகாப்புபிரிவு, குற்றப்புலனாய்வுத்துறை சென்னை.

17. முத்துராமலிங்கம் - சிறப்பு சப்-இன்ஸ்பெக்டர், லஞ்ச ஒழிப்புப்பிரிவு, ராமநாதபுரம்

18. சீனிவாசன் - சிறப்பு சப்-இன்ஸ்பெக்டர், லஞ்ச ஒழிப்புப்பிரிவு, சென்னை

19. குணாளன் - சிறப்பு சப்-இன்ஸ்பெக்டர், லஞ்ச ஒழிப்புப்பிரிவு தலைமையிடம் சென்னை

20. புருஷோத்தமன் - சிறப்பு சப்-இன்ஸ்பெக்டர், லஞ்ச ஒழிப்புப்பிரிவு, சென்னை

21. பாஸ்கரன் - போலீஸ் ஏட்டு, சிறப்புப்பிரிவு, குற்றப்புலனாய்வுத்துறை, சென்னை.#PresidentAward #TNPolice #CentralGovernment

சென்னை:

தமிழக காங்கிரஸ் தலைவர் திருநாவுக்கரசர்:-

இன்று நாம் சுவாசிக்கும் சுதந்திரக்காற்றை நமக்கு பெற்றுத்தந்த தேசத் தலைவர்களின் தியாகங்களை என்றென்றும் போற்றி நினைவுகூருவோம். இந்நாளில் மதவாத சக்திகளை ஒடுக்கி, ஜனநாயகத்தைக் காக்க பாசிச, ஊழல், மத்திய-மாநில ஆட்சிகளை வீழ்த்திட புதிய இந்தியாவை உருவாக்கிட இந்நாளில் சபதமேற்போம். இந்திய மக்கள் அனைவருக்கும் குடியரசு தின நல்வாழ்த்துக்களை தெரிவித்துக் கொள்கிறேன்.

அ.ம.மு.க. துணை பொதுச் செயலாளர் டி.டி.வி. தினகரன்:-

அரசியல் அமைப்பு சட்டம் வழங்கியுள்ள உரிமைகளை ஒவ்வொருவரும் முழுமையாக பெறுவதற்கு தடையாக இருப்பது தவறான பொருளாதார கொள்கை, அனைத்து மக்களையும் அரவணைத்துச் செல்லாத மனப்பாங்கு ஆகியவைகளே இந்திய தேசமும் இந்திய திருநாட்டு மக்களும் தொட வேண்டிய சிகரத்தை இன்னும் தொடவிடாமல் தடுக்கும் பெரும் தடைகளாக இருந்து வருகின்றன. இத்தடைகள் எல்லாம் இனி உடையட்டும். வளமும், வளர்ச்சியும் பொருளாதார ஏற்றமும் சமூக நல்லிணக்கமும் தழைத்து சிறந்திட குடியரசு தின நன்னாளில் உறுதி ஏற்போம்.

சமத்துவ மக்கள் கட்சி தலைவர் சரத்குமார்:-

இந்திய தேசத்தின் பெருமைமிகு மாண்பும், வரலாறும் தாங்கி நிற்கும் ஒருமைப்பாட்டிற்கும், வேற்றுமையில் ஒற்றுமை காணும் அடித்தள ஆணிவேரையும் எந்த சூழலிலும் எவராலும் அசைக்க முடியாது என்பதை இந்தியராகிய நாம் அனைவரும் உறுதியோடு எடுத்துரைக்க வேண்டும். உலகெங்கும் உள்ள இந்தியர்களுக்கும், இந்திய மக்களுக்கும் குடியரசு தின நல்வாழ்த்துக்களை தெரிவித்து கொள்கிறேன்.

மனிதநேய மக்கள் கட்சி தலைவர் ஜவாஹிருல்லா:-

நாட்டைப் பிளக்கும் பாசிசம், சமூக அமைதியை சீர்குலைக்கும் சாதியம், நாட்டைச் சுரண்டும் ஊழல் ஆகியவற்றை வேரறுக்கவும் இந்தியர் அனைவரும் ஜனநாயக வழியில் ஒரே அணியில் திரள வேண்டும். குடியரசு தினத்தில் நமது நாட்டின் அரசியல் அமைப்பு சட்டம் வரையறுத்துள்ள அறநெறிகளை வலுப்படுத்தவும், பாதுகாக்கவும் அனைவரும் உறுதி எடுத்துக்கொள்வோம்.

‘‘பாரத நாடு பழம்பெரும் நாடு’’ என்றாலும் பழமையும், புதுமையும் சம விகிதத்தில் கலந்து காணப்படுவதால், வெளிநாட்டவர்கள் இந்தியாவிற்கு பயணம் செய்து இந்திய கலாசாரத்தை கண்டு அதிசயித்து தங்களை அக்கலாசாரத்தில் இணைத்து கொள்வதில் ஆர்வம் காட்டுகின்றனர். நம் நாட்டு மக்கள் அனைவருக்கும் குடியரசு தின நல்வாழ்த்துக்களை தெரிவித்துக் கொள்கின்றேன்.

என்.ஆர்.தனபாலன்

பெருந்தலைவர் மக்கள் கட்சி தலைவர் என்.ஆர்.தனபாலன், சமத்துவ மக்கள் கழக தலைவர் எர்ணாவூர் நாராயணன், இந்திய ஜனநாயக கட்சி தலைவர் பாரிவேந்தரும் குடியரசு தின வாழ்த்து செய்தி அனுப்பியுள்ளனர். #Republicday

புதுடெல்லி:


சுல்தானா, மும்பையில் தனது உறவினர்களை சந்திக்க இரண்டு நாட்களுக்கு முன்னர் நிஜாமாபாத்தில் இருந்து புறப்பட்டுள்ளார். ஆனால் வழிதவறி டெல்லிக்கு வந்துள்ளார் என்று விசாரணையில் தெரியவந்துள்ளது. அந்தப் பெண்ணை மருத்துவ பரிசோதனைக்காக மருத்துவமனைக்கு அழைத்துச் சென்றனர். மருத்துவ பரிசோதனையில் அந்த பெண்ணுக்கு மனநல சிகிச்சை தேவைப்படுவதாக டாக்டர்கள் தெரிவித்தனர். இதையடுத்து அவரை, காப்பகத்திற்கு அனுப்பி வைத்தனர்.

நிஜாமாபாத்தில் இருந்து புறப்படும்போது, யாரிடமும் சொல்லாமல் வந்ததாகவும், இதனால் அவர் காணாமல் போனதாக காவல் நிலையத்தில் புகார் அளிக்கப்பட்டிருப்பதாகவும் உறவினர்கள் தெரிவித்துள்ளனர்.

சுல்தானாவிடம் இருந்து சந்தேகத்திற்குரிய எந்த பொருளும் கைப்பற்றப்படாததால், அவர் மீது வழக்கு பதிவு செய்யப்படவில்லை என்பது குறிப்பிடத்தக்கது. #Republicday #womanarrested

சென்னை:

தமிழக சட்டசபையில் இன்று முதல்-அமைச்சர் எடப்பாடி பழனிசாமி பெயரில் தாக்கல் செய்யப்பட்ட சட்டமசோதாவில் கூறியிருப்பதாவது:-

சுதந்திர தினம் மற்றும் குடியரசு தின விழாக்களில் கலந்து கொள்வதற்காக முன்னாள் எம்.எல்.ஏக்கள், முன்னாள் எம்.எல்.சி.க்கள் அவர்கள் வசிக்கும் இடத்தில் இருந்து சென்னைக்கு செல்ல ரெயிலில் 2 அடுக்கு ஏசி பெட்டியில் (படுக்கை வசதி) பயணம் செய்யவும் அவர்கள் திரும்பி செல்வதற்கும் அனுமதி அளிக்கப்படுகிறது.

அதற்கு ஏற்ப தமிழ்நாடு சம்பளங்கள் வழங்கும் சட்டத்தை திருத்தம் செய்ய அரசு முடிவு செய்துள்ளது.

இவ்வாறு அதில் கூறப்பட்டுள்ளது. #TNAssembly

புதுடெல்லி:

ஆண்டுதோறும் ஜனவரி மாதம் 26-ம் தேதி இந்திய குடியரசு தினம் கொண்டாடப்பட்டு வருகிறது. பிரதமர் மோடி பதவியேற்றவுடன், அமெரிக்காவுடனான நல்லுறவை மேம்படுத்தி வருகிறார். அதன்படி, கடந்த 2015-ம் ஆண்டு அப்போது அமெரிக்க அதிபராக இருந்த ஒபாமாவை குடியரசு தின சிறப்பு விருந்தினராக அழைத்து கவுரவித்தார்.



அதேபோல், 2019-ம் ஆண்டு குடியரசு தின விழாவில் தற்போதைய அமெரிக்க அதிபர் டொனால்ட் ட்ரம்ப் சிறப்பு விருந்தினராக கலந்துகொள்ள வேண்டும் என அழைப்பு விடுத்துள்ளார். மோடியின் 5 ஆண்டுகால ஆட்சி முடிவு பெற்று, தேர்தல் வரும் சூழலில் அமெரிக்க அதிபர் ட்ரம்புக்கு அழைப்பு விடுக்கப்பட்டுள்ளது.

மோடியின் இந்த அழைப்பு தொடர்பாக இதுவரை எவ்வித முடிவும் எடுக்கப்படவில்லை என ட்ரம்ப் தரப்பில் தெரிவிக்கப்பட்டுள்ளது. #PMModi #RepublicDay #Trump